Жоғары технологиялы медициналық көмек тізімін қайта қарау аясындағы технологияларды талқылау жөніндегі жұмыс топтарының отырысы
«Денсаулық сақтауды реформалауды әдістемелік қолдау» мемлекеттік тапсырмасын жүзеге асыру мақсатында ДСДРО жоғары технологиялық медициналық көмек (ЖТМК) тізімінің талаптарға сәйкестігін сараптамадан өткізуде. Жүргізілген сараптамалар қорытындысы бойынша аталмыш технологиялардың бірқатары профильді мамандардың қатысуымен талқылауды қажет етеді.
ҚР ДСӘДМ тапсырмасы бойынша ДСДРО аталмыш технологияларды талқылау жөніндегі жұмыс топтарының отырыстарын өткізуді жоспарлап отыр.
Мамандар қазақстандықтарды дәрі-дәрмектер туралы шынайы мағлұмат беретін ақпараттық ресурстарға кеңірек жүгінуге шақыруда
Денсаулық сақтауды дамыту республикалық орталығы (ДСДРО) дәрі-дәрмектерді орынды қолдану мәселесіне арналған кең ауқымды ақпараттық кампания бастады. Шара Астанада журналистер мен блогерлерге арналған тренингтен басталды. Оқыту барысында Дәрілік орталық мамандары дәрі-дәрмектерді бей-берекет, тіпті сауатсыз қолдану салдарынан туындап отырған қауіптер туралы айтып берді.
Дүниежүзілік денсаулық сақтау ұйымының мәліметіне жүгінсек, науқастардың 19-33 пайызы дәрі-дәрмектердің кері әсерінен зардап шегеді. Олардың 8 пайызы жағдайы нашарлап, ауруханаға түссе, 2-3 пайызында өлімге әкеп соқтырады. Алайда, қазіргі заманда уақыт пен қаражатты үнемдеу үшін дәрі-дәрмектерді өз пайымынша қабылдау күнделікті құбылысқа айналып кетті. Дәрі-дәрмектің кері әсеріне мән бермей, антибиотиктер, қызу түсіретін, ауруды басатын дәрілерді өз бетінше қолдану жиі кездеседі.
Қазақстанда ұлттық дәрілік формуляр (ҚҰФ) ресми бекітілді
Қазақстанда бұған дейін пилотты режимде жұмыс істеп келген ұлттық дәрілік формуляр (ҚҰФ) ресми түрде іске қосылды. Тиісті бұйрыққа денсаулық сақтау және әлеуметтік даму министрі Тамара Дүйсенова қол қойды. Бұл туралы Денсаулық сақтауды дамыту республикалық орталығының баспасөз қызметі хабарлады.
Осылайша, Қазақстан ТМД елдерінің арасында мұндай ақпараттық ресурсты іске қосқан алғашқы республика болып отыр. ҚҰФ –ды жасақтау барысында фармокотерапия саласындағы озық әлемдік тәжірибе басшылыққа алынды.
ҚҰФ дәрілік көмектің азаматтардың әлеуметтік жағдайы мен табысына қарамастан бәріне бірдей қолжетімділігін қамтамасыз етеді. Себебі мұнда дәрі-дәрмектердің шекті бағалары көрсетілген. Формуляр жүйелі түрде жаңартылып отыратындықтан, медициналық қызметкерлерге дәрі-дәрмек түрлері, оларды қолдану тәжірибесі туралы жаңа мағлұматтар алып, фармацевтика саласындағы білімін жетілдіріп отыруға мүмкіндік береді.
ДСДРО-ның Менеджмент орталығы «Тәуелсіз сараптама» тақырыбына біліктілікті арттыру циклін өткізеді
СДРО-ның Менеджмент орталығы «Тәуелсіз сараптама» тақырыбына біліктілікті арттыру циклін өткізуде. 216 сағаттық оқу курсы 005 «Мемлекеттік денсаулық сақтау ұйымдарының қызметкерлерінің біліктілігін арттыру және оларды қайта дайындықтан өткізу» атты бюджеттік бағдарлама аясында ұйымдастырылған. Шара 2016 жылдың 5-30 қыркүйек күндері аралығында өтеді
Өткізілетін орны: Астана қ. Тәуелсіздік көшесі, 38 IBIS Astana.
Шара орнына жету бағыттары:
Вокзалдан №19 автобус ( отель IBIS Astana аялдамасы, Тәуелсіздзік-Момышұлы);
Әуежайдан №10 автобус (Орынбор, Министрліктер үйі аялдамасы),бұдан соң №51 немесе №56 автобустарының біріне отыру керек. (Оқушылар сарайы аялдамасы, IBIS Astana отелі, Тәуелсіздзік-Момышұлы).
