Қадағалау кеңесінің төрағасы

 

Біртанов Елжан Амантайұлы

 

 - 

Қазақстан Республикасы Денсаулық сақтау министрі

Денсаулық сақтау саласындағы кәсіби басқарушы, менеджмент, медицина ғылымдарының докторы, іскерлік басқару магистрі.

Алматы мемлекеттік медицина институтын (1994); Аризона штаты Университетін, Тусон қаласы (1994); Ресей медициналық дипломнан кейінгі білім академиясын бітірген. Денсаулық сақтау менеджменті (2001); Шарите Университеті клиникасы, Берлин, ГФР, Аурухана ісінің менеджменті (2006); Тұран Университеті, экономика (2008); Duke University, Fuqua School of Business, АҚШ, Global Executive MBA магистратурасы (2013).

Еңбек жолы:

  • 1991-1994 жж. – Алматы қаласының Орталық клиникалық ауруханасының психоневрология бөлімінде, ЖМКА қарқынды терапия, жан сақтау, токсикология бөлімдерінде мейіргер;
  • 1994-1998 жж.- дәрігер-токсиколог, реаниматолог, ЖМКА ақпараттық-консультативтік токсикологиялық орталығының жетекшісі;
  • 1998-1999 жж.- Алматы қалалық токсикология орталығының басшысы;
  • 1999-2005 жж. - республикалық токсикология орталығының басшысы, ҚР Денсаулық сақтау министрлігінің бас токсикологы;
  • 2000-2008 жж.- Алматы мемлекеттік дәрігерлердің білімін жетілдіру институтының клиникалық токсикология курсының оқытушысы, меңгерушісі;
  • 2005-2008 жж.- ҚР ДСМ «Денсаулық сақтауды дамыту институты» РМК директоры;
  • 2008 ж.- «Ұлттық медициналық холдинг» АҚ Басқарма төрағасының орынбасары;
  • 2008-2010 жж.  - ҚР Денсаулық сақтау вице-министрі;
  • 2010-2012 жж. - «Ұлттық медициналық холдинг» АҚ-тың Басқарма төрағасы;
  • 2012-2014 жж.- «Назарбаев Университет» ДБҰ Атқарушы кеңесі  төрағасының кеңесшісі;
  • 2014-2015 жж. - «Мемлекеттік-жекеменшік серіктестік жобаларын қолдау орталығы» ЖШС Басқарма төрағасы;
  • 2015 ж. (қараша) - 2017 ж. (қаңтар) - Қазақстан Республикасы Денсаулық сақтау және әлеуметтік даму вице-министрі;
  • 2017 жылдың 25 қаңтарында Қазақстан Республикасының Денсаулық сақтау министрі болып тағайындалды.

50-ден аса ғылыми жұмыстардың авторы, Қазақ, орыс, ағылшын тілдерін еркін меңгерген. ҚР денсаулық сақтау саласының дамуына қосқан үлесі үшін «Отличник здравоохранения», «Қазақстан Республикасы денсаулық сақтау ісінің үздігі» төс белгілерімен марапатталған.

 

Қадағалау кеңесінің мүшелері


Айыпханова

Айнұр Тоқсанқызы

«Денсаулық сақтауды дамыту республикалық орталығы» ШЖҚ РМК бас директоры

Денсаулық сақтау саласындағы кәсіби басқарушы, аккредиттеу саласындағы халықаралық сарапшы, сапа менеджменті, Президенттің «Болашақ» бағдарламасының түлегі. «Қоғамдық денсаулық сақтау» және «Денсаулық сақтауды басқару» мамандықтары бойынша Индиана Университетінің (АҚШ) бакалавриатын және магистратурасын үздік бітірген. 2009-2010 жылдары Денсаулық сақтау саясаты институтының кіші ғылыми қызметкері бола жүріп, Индиана штатындағы St. VincentHealthSystem аурухана кешенінің әкімшілігінде тәжірибе жинақтады.

Еңбек жолы:

  • 2010 ж. – «Ұлттық медицина холдингі» АҚ сапа жөніндегі менеджері;
  • 2011 ж. – «Ана мен бала ұлттық ғылыми медицина орталығы» АҚ сапа менеджменті және пациент қауіпсіздігі бөлімінің бастығы; «Ұлттық медицина холдингі» АҚ Басқарма Төрағасының сапа жөніндегі кеңесшісі;
  • 2012-2016 жж. – «Республикалық нейрохирургия ғылыми орталығы» АҚ медицина директорының орынбасары;
  • 2013-2016 жж. – халықаралық аккредитация бойынша кеңесші, Қазақстан Республикасы, Әзірбайжан, Біріккен Араб Әмірліктері халықаралық-аккредитацияланған клиникаларындағы JCI жобасының жетекшісі; Дүниежүзілік банктің ҚР аккредитация жүйесі жөніндегі жобасы аясында American Gulf International халықаралық кеңесшісі.

АҚШ, Германия, Испания, Ұлыбритания, Италия, Австрия, Чехия елдерінде біліктілігін арттырды. Денсаулық сақтау көшбасшылары Америка коллегиясының (АСНЕ) және Денсаулық сақтау саласындағы Ұлттық Сапа Қауымдастығының (NAHQ) мүшесі.

Қазақ, орыс, ағылшын тілдерін еркін меңгерген. ҚР денсаулық сақтау саласына халықаралық стандарттарды енгізуде қосқан үлесі үшін  2012 жылы Денсаулық сақтау министрінің «Денсаулық сақтау ісіне қосқан үлесі үшін» төсбелгісімен марапатталды.


Құлжанов

Максұт Кәрімұлы

 

Құлжанов Мақсұт Кәрімұлы -  "Республикалық медициналық палата" ҚБ Басқарма төрағасы

Медицина ғылымдарының докторы, профессор,  Астана қаласындағы Денсаулық сақтауды дамыту республикалық орталығының алғашқы бас директоры болды. Орталықтың негізгі мақсаты – Қазақстан Республикасының Денсаулық сақтау министрлігі арқылы жасалатын денсаулық сақтау саласындағы реформаларды әдістемелік және талдамалық қолдау.

М.К. Құлжанов – Қазақстандағы қоғамдық денсаулық сақтау мектебінің негізін қалаушы, бұл тек Орталық Азия аймағында ғана емес, ТМД аймағы бойынша аталған бағыттағы алғашқы ұйым. Ол бұл ұйымды 15 жыл басқарып, халықаралық аренада танытты. Денсаулық сақтау вице-министрі болған (1992-1997) жылдары ол Қазақстандағы медициналық сақтандыру жүйесінің негізін қалаушылардың бірі болды.

Еңбек жолы:

  • 1972-1973 - Республикалық клиникалық аурухананың дәрігері
  • 1973-1975 - Эпидемиология, микробиология және инфекциялық аурулар ҚазҒЗИ кіші ғылыми қызметкері
  • 1975-1978 - Өлкелік патология ҚазҒЗИ аспиранты;
  • 1978-1987 - Кардиология ҚазҒЗИ ғылыми қызметкері, Гигиена және кәсіби аурулар ҚазҒЗИ кіші, аға, жетекші ғылыми қызметкері;
  • 1987-1990 - Республикалық денсаулық сақтау орталығы бас директорының орынбасары;
  • 1990-1992 - Гигиена және кәсіби аурулар ҚазҒЗИ зертханасының меңгерушісі;
  • 1992-1997 жылдары - Қазақстан Республикасы Денсаулық сақтау министрінің орынбасары;
  • 1994-1996 – ДДҰ тұрақты комитетінің мүшесі
  • 07.1997-2011 - Қазақстан қоғамдық денсаулық сақтау жоғары мектебінің ректоры
  • 2000-2004; 05.2015 жылдан -  ДДҰ атқару комитетінің мүшесі
  • 2002 жылдан - қоғамдық денсаулық сақтау бойынша Азия-Тынық мұхит академиялық консорциумының толық мүшесі
  • 2002 жылдан - COHRED басқарма мүшесі
  • 2002 жылдан - ASPHER, APAC PH Директорлар кеңесінің мүшесі
  • 2002 жылдан – Қоғамдық денсаулық сақтау мамандарының ұлттық қауымдастығының президенті
  • 2012 – Қазақстан Республикасы Ұлттық денсаулық сақтау палатасының президенті
  • 2011-2013 – ҚР ДСМ «Денсаулық сақтауды дамыту республикалық орталығы» ШЖҚ РМК бас директоры, бас директорының орынбасары
  • 2013 жылдан - "Республикалықмедициналық палата" ҚБ Басқарма төрағасы

100-ден аса медицина ғылымдарының докторлары мен кандидаттарына ғылыми жетекшілік етті. 200-ден астам қазақ, орыс және ағылшын тілдеріндегі ғылыми жарияланымдардың авторы. Денсаулық сақтау саласындағы дипломат, ерекше басшы, зерттеуші,  лектор ретінде тәжірибесі мол. Соңғы кездердегі зерттеушілік және кәсіби қызметінің бағыты – денсаулық сақтау саясаты, жаһандық денсаулық, паллиативтік көмекті дамыту, дені сау қартаю, ментальды денсаулық, т.б.

«Здравоохранение Казахстана» и «Менеджер здравоохранения» атты екі отандық журналдың бас редакторы. Республикалық медициналық палата президенті.  Мақсұт Кәрімұлы түрлі халықаралық кеңестердің мүшесі, отандық денсаулық сақтау саласының мүддесін халықаралық деңгейге танытуда.


Өтепова

Гүлнара Данифқызы

 

Өтепова Гүлнара Данифқызы -"Отепова и К" ЖШС директоры

Медицина ғылымдарының кандидаты. 2001 жылдан  «Светоч» отбасылық үлгідегі балалар үйінің балаларын-тәрбиеленушілерін диспансерлік қадағалауды жүзеге асырады. «Астана-Байтерек» әйелдер клубының белсенді қатысушысы.

Еңбек жолы:

  • (көктем)1993-1994 ж. облыстық аурухананың көз дәрігері-ординаторы (Көкшетау қаласы)
  • 1994-1998 жж. өзі ашқан жекеменшік кабинетте офтальмолог-дәрігер (Көкшетау қаласы) боп жұмыс істеді
  • 1998 жылдан қазіргі уақытқа дейін өзі құрған, Астана қаласындағы 3 жекеменшік клиника мен 2 салон-оптиканың менеджментін жүзеге асыратын «Отепова и К» ЖШС компаниясын басқарады.
  • 2001 жылдан «Светоч» отбасылық үлгідегі балалар үйінің балаларын-тәрбиеленушілерін диспансерлік қадағалауды жүзеге асырады. Балалар «Айя» медициналық орталықтарының барлық маман-дәрігерлерінен тексеруден өтіп, емделеді, қажетті дәрілермен, контакт линзалар мен көзілдіріктер салонынан көзілдірікпен, сондай-ақ гигиеналық заттармен қамтамасыз етіледі, аурудың алдын алу шаралары жүргізіледі.
  • 2002 жылдан «Астана-Байтерек» әйелдер клубының белсенді қатысушысы.
  • 2007 жылдан Астана қаласының Медицина құрылымдары қауымдастығының құрылуына атсалысты.
  • 2010-2011 жылдар аралығы – Астана қаласындағы «ТАН» татар-башқұрт қоғамының төрайымы.
  • 2013 жылдан ҚР Ұлттық кәсіпкерлер палатасы Орталық аппаратында аккредиттеуден өткен «Республикалық жекеменшік медициналық құрылымдар қауымдастығы» ЗТҚ төрайымы.
  • 2013 жылдан ҚР Денсаулық сақтау министрлігі жанындағы пациенттердің құқықтарын қорғау кеңесінің қатысушысы.
  • 2014 жылдың 1 ақпаны мен 1 қазаны аралығында тағы да Астана қаласындағы «ТАН» татар-башқұрт қоғамын басқарды.
  • ҚР Денсаулық сақтау министрлігінің 11.2015 ж. № 926 «Медициналық қызметтер сапасы жөнінде Біріккен комиссия құру туралы» бұйрығына сәйкес, 2015 жылғы 30 қарашадан  СБК мүшесі. 
  • 2016 жылғы 3-7 қазан аралығында ҚР ДСӘДМ СБК денсаулық сақтау технологияларын бағалау жөніндегі сараптау тобының жұмыс тобының құрамында болды.

Шарман Алмаз

 

Шарман Алмаз – «Қазақстан профилактикалық медицина  академиясы» ҚБ президенті.

С. Ж. Асфендияров атындағы Қазақ ұлттық медицина университетін;  Гарвард  университетінің Академиялық медициналық орталықтарының басшыларға арналған оқу бағдарламаларын (Бостон қаласы, Массачуссетс, АҚШ); Мемлекеттік басқару оқу бағдарламасын (Мемлекеттік басқару институты, Шарлотсвилл қаласы, Солтүстік Каролина, АҚШ) тәмамдаған. «Иммунология» мамандығы бойынша медицина ғылымдарының кандидаты (Иммунология институты, Мәскеу қаласы); Медицина ғылымдарының докторы (Богомольц атындағы Киев мемлекеттік медицина институты, «Иммунология» мамандығы).

Еңбек жолы:

  • 2015 – қазіргі уақытта – «Қазақстан профилактикалық медицина академиясы» ҚБ президенті
  • 2013 – қазіргі уақытта – «HealthCity» ЖШС төрағасы, бас директор
  • 2010-2012 -  Ұлттық медицина холдингінің Директорлар кеңесінің төрағасы;
  • 2008-2012 - Ұлттық медицина холдингінің Басқарма төрағасы;
  • 2006-2008 – «Medtronic» трансұлттық компаниясының директоры, Қазақстандық офистің негізін қалаушы;
  • 2001-2006 – Орталық Азия бойынша Америка халықаралық даму агенттігінің (USAID) инфекциялық аурулар бойынша кеңесшісі, одан әрі USAID Қазақстандағы өкілдігінің америкалық дипломат мәртебесі бар басшысы;
  • 1994-2001 -  Калвертон қаласындағы медициналық-демографиялық зерттеулер халықаралық жобасының медициналық үйлестірушісі, Мэрилэнд штаты, АҚШ.

Хуэй Вэн Тат

Венг Тат Хуэй –

Мемлекеттік саясат жоғарғы мектебінің деканы, Назарбаев Университеті.
Философия докторы (PhD) дәрежесі және экономика ғылымдары саласында экономика магистрі дәрежесі бар, Австралия Ұлттық Университеті. Жаһанданудың еңбек нарығына әсері, көші-қон саласындағы экономикалық мәселелер, білім беру, қарттық және зейнетақымен қамтамасыз ету, сондай-ақ Сингапурдағы еңбек нарығы саясаты секілді салалар бойынша маман.

Еңбек жолы:

  • 2016 жылдың қыркүйегінен қазіргі уақытқа дейін – Мемлекеттік саясат жоғарғы мектебінің деканы, Назарбаев Университеті
  • қараша, 2015 – тамыз, 2016 – Мемлекеттік саясат жоғарғы мектебінің деканының міндетін атқарушы, Назарбаев Университеті
  • 2015-2016 – серпінді Сингапур үшін Сингапур іскерлік тобы федерациясының ұстанымы туралы зерттеу
  • 2014-2016 – Сингапур Премьер-Министрі Аппаратының тұрғын халықтар мен таланттардың ұлттық бөлімін зерттеу жөніндегі кеңес тобының мүшесі
  • 2013 – шақырылған ғалым, Халықаралық еңбек ұйымы, Женева
  • 2012 – қазіргі уақытта – ТМС Академисы Ғылыми кеңесінің төрағасы
  • 2012 – халықаралық сарапшылар тобының мүшесі, Ересектерді оқыту институты
  • 2010 – REACH адами ресурстар саясаты мәселелері жөніндегі жұмыс тобының мүшесі, Қауым, жастар және спорт дамыту министрлігі
  • 2009 – еңбек ресурстары дағдылары және төмен жалақы алатын жұмыскерлер бойынша экономикалық стратегиялар комитетінің жұмыс тобының мүшесі
  • 2009 – Консультант, БҰҰ-ның Сауда және даму жөніндегі конференциясы
  • 2008-2010 – Саясатты талдау жөніндегі Ұлттық кітапхананың Ұлттық зерттеу орталығының Сараптау комиссиясының мүшесі
  • 2007-2008 – Сингапурдағы су апталығы бойынша басшылық комитетінің мүшесі
  • 2004-2008 – Вице-декан (академиялық мәселелер бойынша), Ли Куан Ю атындағы Мемлекеттік саясат мектебі
  • қаңтар-шілде, 2004 – шақырылған ғылыми қызметкер, Еңбек нарығын зерттеу орталығы, Батыс Австралия Университеті
  • 2002 – құрылымдық өзгерістер (1986) үдерістері мен ықпалына арналған экономикалық қайта құрылымдау жөніндегі IPS жұмыс тобының мүшесі – аға репетитор, Сингапур Ұлттық Университеті
  • 2002 – еңбекақы жөніндегі жұмыс тобының экономикалық шолу бойынша подкомитетінің мүшесі
  • 2001 – адами ресустар бойынша сарапшы, Еңбекақы жөніндегі ұлттық кеңес
  • 2000-2003 – Вице-декан (Зерттеу және Жоғарғы оқу орнынан кейінгі зерттеу), Сингапур Ұлттық Университеті, Өнер және әлеуметтік ғылымдар факультеті
  • 2000-2002 – кеңесші, Еңбек ресурстары Министрлігі
  • 1999-2000 – бастықтың міндетін атқарушы, Экономика департаменті
  • 1998 жылдан – қауымдастырылған профессор, Сингапур Ұлттық Университеті
  • 1994-1995 – шақырылған ғылыми қызметкер, Бизнес мектебі, Индиана Университеті
  • 1991-1998 – аға лектор, Сингапур Ұлттық Университеті
  • 1986-1991 – лектор, Сингапур Ұлттық Университеті
  • 1984 – Ассистент-зерттеуші, Австралия Ұлттық Университеті
  • 1979-1981 – жүйе маманы, жүйелерді және компьютерлерді ұйымдастыру, Қорғаныс министрлігі

Филиппо Барточони

 

Филипо Барточони - «Астана» медицина университетінің  стратегиялық даму бойынша атқарушы директоры (проректор)

Медицина ғылымдарының және биомедицина ғылымдарының  кандидаты. Ғылыми-зерттеушілік қызметі: Стратегиялық жоспарлауды ауылдық аудандар мен қалалық денсаулық сақтау қызметтерін қашықтықтан қызмет көрсету мекемелері желілерін құруды бақылау: түрлі елдер мен мәдени ахуалдарға салыстырмалы талдау жасау. Università Cattolica del Sacro Cuore, профилактикалық гигиена және медицина бөлімі, Рим, Италия. Іскерлік әкімшілік ету және сандық дәуір маркетингі саласында магистр дәрежесі бар,   Барселона Университеті, Үздіксіз білім беру институты, Барселона, Испания. Үздік 50:50 растау сертификатын алған, Профилактикалық гигиена және медицина саласындағы Мамандандыру мектебі, Киелі Жүрек Католик университеті, Профилактикалық гигиена және медицина бөлімшесі, Рим, Италия. Сондай-ақ, Жүрек хирургиясы саласында үздік сертификаты бар,  Мамандандыру мектебі, Жүрек хирургиясы, Киелі Жүрек Католик университеті, кардиохирургия бөлімшесі, Рим, Италия.

Еңбек жолы:

  • 2017 – қазіргі уақытта - «Астана» медицина университетінің стратегиялық даму бойынша атқарушы директоры, Астана, Қазақстан
  • 2012 – қазіргі уақытта – денсаулық сақтау технологияларын бағалау жөніндегі құрметті профессор, "Ташкент дипломнан кейінгі медициналық білім беру институты", "Өзбекстан Республикасы Денсаулық сақтау министрлігі", Ташкент, Өзбекстан.
  • 2015-2017 – Медициналық директор: Басқаруды бақылау жүйелері департаменті және Бизнесті талдау офисі мен халықаралық ынтымақтастық офисінің үйлестірушісі. Азиенда ауруханасы (ASL Витербо), Витербо, Италия.
  • қазан, 2016 – Католик университетіндегі философия докторы дәрежесі арқылы  Ла Сапиенца-Астана  Медицина университетінің  «Интеграциялық университет: білім беру және денсаулық сақтау жүйелеріндегі басқару және бағалау жүйелері» ғылыми-зерттеу жұмыстарына қатысу, Астана, Қазақстан
  • 2009-2015 – Медициналық директор: Клиникалық басқару және білім беру бөлімі, С. Камилло-Форланини ауруханасы, Рим, Италия                              
  • 2013-2014 –"Interhospital network - ҚазҰМУ Университет ауруханасы», ғылыми-зерттеу жобасына қатысу, Алматы қаласы, Қазақстан
  • 2012-2014 – COM басылымының редакциялық кеңес мүшесі, Рим, Италия
  • желтоқсан, 2012 – маусым, 2013 – «UNIclinic - ҚазҰМУ Университет ауруханасы» зерттеу жобасына қатысты, Алматы қаласы, Қазақстан
  • мамыр, 2013 - «DOC-2013» халықаралық студенттер форумының Төрешілер тобының мүшесі, Түркістан, Қазақстан
  • қаңтар, 2013 - ақпан, 2013 – «Өзбекстанда АИВ-ге байланысты алдын алуға, диагностикалауға, емдеуге және күтім жасауға жалпы қолжетімділік мүмкіндігі үшін жүйені күшейтуге және тұрғын халыққа төніп тұрған үлкен қауіпке ерекше назар аудара отырып, АИВ-на көңіл бөлу шараларын тұрақты кеңейту» UNDP/GF жобасының халықаралық кеңесшісі. Ташкент мемлекеттік  санитарлық-эпидемиологиялық қадағалау республикалық орталығы, Өзбекстан
  • желтоқсан, 2012 - «Медициналық кәсіптерге арналған магистрлік бағдарламалардың халықаралық ынтымақтастық жобасына» қатысты, Менеджмент жоғары мектебі, Барселона, Испания
  • қыркүйек, 2012 – Өзбекстан Республикасы Денсаулық сақтау министрлігінің "Ташкент дипломнан кейінгі медициналық білім беру институтының" денсаулық сақтау технологияларын бағалау жөніндегі құрметті профессоры атанды.
  • мамыр 2011 - маусым 2011 – Италия сыртқы істер министрлігі атынан Ливиядағы миссия: Ливиядағы соғыс кезінде денсаулық сақтау секторындағы басымдықты шараларды анықтау қажеттілігі және денсаулықты бағалау жөніндегі халықаралық топтың толық мүшесі. Бенгази, Ливия (127)
  • 2010 - 2012 – Сан Камилло-Форланини госпиталінде оқу курстарының оқытушысы - 4 Оқу саласы - Жалпы медицина. Рим, Италия
  • тамыз 2006 – мамыр 2009 – Кардиохирургия бөлімінде дәрігер, Сан Камилло-Форланини госпиталі, Рим, Италия
  • қыркүйек 2005 - тамыз 2006 – Кардиохирургия бөлімінде кардиохирургия бойынша тағылымдама, Сан Камилло-Форланини госпиталі, Рим, Италия
  • шілде 2005 - бас дәрігер, Holiday Village Club Vacanze, Тропея, Италия
  • ақпан 2005 - маусым 2005 – Кардиохирургия бөлімінде кардиохирургия бойынша теориялық тағылымдама, Болонья Университеті, Болонья, Италия
  • желтоқсан 2004 - ақпан 2005 – Кардиохирургия бөлімінде кардиохирургия бойынша тағылымдама, Вилла Мария Сицилия клиникасы, Котиньола, Италия
  • шілде 2003 - желтоқсан 2004 – Жүрек-торакальды хирургиясы бөлімінде жүрек-торакальды хирургиясы бойынша тағылымдама, Catherina Ziekenhuis, Эйндховен, Нидерланды
  • ақпан - мамыр 2003 – Кардиохирургия бөлімінде кардиохирургия бойынша тағылымдама, Сан Камилло-Форланини, Рим, Италия
  • маусым - қыркүйек 2002 – Кардиохирургия бөлімінде кардиохирургия бойынша тағылымдама, Вилла Мария Пиа клиникасы, Турин, Италия
  • ақпан – маусым 2002 - Кардиохирургия бөлімінде кардиохирургия бойынша тағылымдама, Сан Камилло-Форланини госпиталі, Рим, Италия
  • шілде-тамыз 2001 - Жүрек-қан тамыр хирургиясы және торакальды хирургия бөлімінде жүрек-қан тамыр хирургиясы және торакальды хирургия бойынша тағылымдама, OLV клиникасы (Onze Lieve Vrouw Ziekenhuis), Алст, Бельгия
  • 1997-2001 – Кардиохирургия бөлімінде кардиохирургия бойынша теориялық-тәжірибелік тағылымдама, Сильвестрини госпиталі, Перуджа, Италия

 

Қадағалау кеңесінің хатшысы

Шаяхметов Ерасыл Ғаниұлы

-

Шаяхметов Ерасыл Ғаниұлы – ҚР ДСМ «Денсаулық сақтауды дамыту республикалық орталығының»  қадағалау кеңесінің хатшысы

2016 жылы Назарбаев университетін «Биология Ғылымы» мамандығы бойынша бітірді. Қоғамдық денсаулық сақтау саласында мамандандырылған Назарбаев Университетінің күндізгі бөлімінің аспиранты. Корпоративтік хатшыларға арналған оқы курстарынан өтті.  Еңбек жолы:

Қантар, 2017 – қазіргі уақытта ҚР ДСМ «Денсаулық сақтауды дамыту республикалық орталығы»,  қадағалау кеңесінің хатшысы.

Тамыз, 2017- қантар, 2018 -  ҚР ДСМ «Денсаулық сақтауды дамыту республикалық орталығының», менеджментті дамыту басқармасының жетекші маманы. Сәуір 2016 – мамыр, 2017 - ЖШС «Диагностикалық топ» ғылыми диагностикалық диагностикалық орталығы, биохимия бөлімінің маманы.