Медициналық ұйымдарды аккредиттеу

 


 

Миссиясы

Халықтың жоғары сенімімділік деңгейін қамтамасыз ету және медициналық ұйымдардың бәсекеге қабілеттілігін арттыру үшін қауіпсіздікдің және сапаның халықаралық нормаларын енгізу арқылы денсаулық сақтаудағы аккредиттеу жүйесін жетілдіру.

Пайымдауы

Қазақстанда сапалы және қауіпсіз денсаулық сақтауды қамтамасыз ететін аккредиттеу жүйесін құру.

Аккредиттеу – бұл

  • әлемдік сапа стандарттарына көшу
  • қауіпсіз медициналық қызметтерді алу мүмкіндігі
  • пациенттің құқықтарын сақтау
  • жақсартуға тұрақты ұмтылу
  • пациенттердің тәуекелдері мен уақыт шығындарын төмендету
  • қоғам тарапынан білдірілген сенім

Құндылықтары:

- Біз үшін сапа бірінші дәрежеде

- Пациенттің қауіпсіздігі басымдық

- Біз оң нәтижелерге қол жеткізу үшін жұмыс істейміз

- Біз ынтымақтастық үшін ашықпыз

- Бүкіл ел бойынша медициналық ұйымдармен жақсы әріптестік қарым-қатынаста болу

- Біз көшбасшылар болуға тырысамыз және біздің серіктестеріміз де өз саласында көшбасшылар болуын қалаймыз

- Біз теңдікті, адам құқықтарының сақталуын, объективтілікті және әділдікті насихаттаймыз

 

2009 жылдан бастап қазіргі уақытқа дейін медициналық ұйымдарды аккредиттеу рәсімі ұлттық денсаулық сақтау шеңберінде, оның ішінде 2009-2015 жылдар кезеңінде Дүниежүзілік Банктің "Қазақстан Республикасының (бұдан әрі – ҚР) Денсаулық сақтау секторында технологияларды беру және институционалдық реформа жүргізу" жобасының қолдауымен жүргізіледі.

2017 жылы аккредиттеуші орган, ҚР үшін алғаш рет, Денсаулық сақтауды дамыту республикалық орталығының Аккредиттеу орталығы (бұдан әрі – ДСДРО) аккредиттеуші орган ретінде халықаралық тұрғыда танылды. Қазақстанның аккредиттеу жүйесінің денсаулық сақтаудағы сапа және қауіпсіздік жөніндегі әлемдегі жоғары органның – International Society for Quality in Health Care (Денсаулық сақтаудағы сапа жөніндегі халықаралық қоғам, бұдан әрі – ISQua) талаптарына сәйкестік аудиті негізінде ISQua Директорлар Кеңесі жанындағы Аккредиттеу жөніндегі комиссия ДСДРО Аккредиттеу орталығын 2021 жылғы қаңтарға дейін төрт жылға аккредиттеу туралы шешім қабылдады.

ДСДРО Аккредиттеу орталығына берілген ISQua сертификаты ҚР ұлттық аккредиттеу жүйесін жетілдіру жолындағы маңызды іргетас болып табылады. ISQua-ның аккредиттеу жөніндегі органды мойындауы – бұл аккредиттеу жүйесі мен аккредиттеуші органның өз функцияларын – медициналық көмектің сапасын және пациенттің қауіпсіздігін арттыру мақсатында медициналық ұйымдарды бағалау және оларды аккредиттеуді одан әрі дұрыс іске асыру үшін базалық элементтері бар екеніне кепілдік.

Бүгінгі таңда ISQua аккредиттеуші орган ретінде шамамен отыз ұйымды аккредиттеді, олардың бірі АҚШ-тағы JCI (Joint Commission International Accreditation), Ұлыбританиядағы CHKS Accreditation Unit, Канадада Accreditation Canada, Тайваньда Joint Commission of Taiwan және т.б. сияқты беделді ұйымдармен тең қатарлы ДСДРО Аккредиттеу орталығы болып табылады.

Бүгінгі таңда Аккредиттеу орталығы ҚР-да ұлттық аккредиттеуді ілгерілетуші, аккредиттеу стандарттары мен рәсімдерін әзірлеуші, сондай-ақ сыртқы кешенді бағалау, аккредиттеу алдындағы дайындық, медициналық ұйымдардың аккредиттеуден кейінгі мониторингін жүргізу үшін сарапшыларды, инспекторларды, жаттықтырушыларды, үйлестірушілерді даярлаушы жалғыз мамандандырылған орган болып табылады.

Орталық қызметкерлері жаттықтырушылар, инспекторлар, сарапшылар (кеңесші, тәлімгер, үйлестіруші) ретінде American gulf  international бойынша, сюрвейер ретінде American Institute for healthcare quality аккредиттеу мәселелері бойынша оқытылған білікті мамандар болып табылады.

 

 

Денсаулық сақтау саласындағы сапа жөніндегі халықаралық

қауымдастықтың тануы бойынша біздің жетістіктеріміз

 

   

 

2017 жылы Аккредиттеу орталығы 4 жылдық мерзімге аккредиттеуші орган ретінде халықаралық танымалдылық алды  – ISQua-дан.

   

2017 жылы Аккредиттеу орталығы аккредиттеу жүргізу үшін ISQua-дан инспекторларды оқытуға халықаралық құқық алды.

 

      2017 жылы Аккредиттеу орталығы амбулаториялық-емханалық көмек көрсететін ұйымдарға арналған ұлттық стандарттардың ISQua халықаралық аккредитациясын алды.

 

2017 жылы Аккредиттеу орталығы стационарлық ұйымдарға арналған ұлттық стандарттардың ISQua халықаралық аккредитациясын алды.