Мамандар сырқатты болжаудың әмбебап әдістерін талқылады

12 қыркүйекте Денсаулық сақтауды дамыту республикалық орталығында Қазақстандағы сырқаттардың даму үдерісін болжау және ұзақ мерзімді үлгілеу әдістемесін әзірлеу жөнінде жұмыс тәртібіндегі жиын болып өтті.  

Оған ҚР Денсаулық сақтау министрлігінің, ЖҚТБ-ның алдын алу және қарсы күрес орталығының, Онкология және радиология ҒЗИ-ның, Кардиология және ішкі аурулар ҒЗИ-ның, Санитарлық-эпидемиологиялық сараптама және мониторинг ғылыми-тәжірибелік орталығының, University Medical Center өкілдері қатысты.

Жиынды ұйымдастырушы – Денсаулық сақтауды дамыту республикалық орталығы.

Жиын аясында сырқат дамуын болжауға қолайлы бағдарламалар пакетін іздестіру және түрлері бойынша үлгілеу жөніндегі өзекті мәселелер қарастырылды.

Салалық қызметтердің мамандары жиын қатысушыларының қарауына ЖҚТБ/АИВ-инфекциялары, онкология, кардиология және ішкі аурулар, ЖРВИ мен тұмау вирусының және ауруларының айналымы секілді инфекциялық, инфекциялық емес ауруларды үлгілеу және болжау тәсілдерін ұсынды.

Астанада медициналық қызметкерлер мен ұйымдардың кәсіби жауапкершілігін сақтандыру механизмдерін әзірлеу мәселесі қаралды

13 қыркүйекте «Қазақстан қаржыгерлер қауымдастығы» ЗТБ базасында медициналық қызметкерлер мен ұйымдардың кәсіби жауапкершілігін сақтандырудың  құқықтық механизмдерін әзірлеу үшін «Денсаулық сақтауды дамыту республикалық орталығы» ШЖҚ-дағы РМК-да құрылған жұмыс тобының отырысы болып өтті.

Шараға ҚР Денсаулық сақтау министрлігі мен ДСДРО Ғылым және адами ресурстар департаментінің мамандары,  Ұлттық денсаулық сақтау палатасының, Қазақстан қаржыгерлер қауымдастығының, Сақтандырушылар қауымдастығының, «Арман» отбасылық және медициналық құқық бюросы» ЖШС өкілдері қатысты.

Отырыста медициналық қызметкерлердің кәсіби жауапкершілігінің ықтимал үлгілері талқыланды. ҚР Денсаулық сақтау министрлігінің «Адами ресурстарды стратегиялық басқару» жобасын жүзеге асыру аясында  осы саладағы нормативтік құжаттарды әзірлеу бойынша белсенді жұмыс жүргізілуде. Сақтандыру және қаржы саласының сарапшылары медициналық қызметкерлердің кәсіби жауапкершілігін сақтандыру үлгілері мен түйінді қағидаттарының көріністері бойынша өз пікірлерін білдірді.  

Отырыс қатысушылары ары қарайғы жұмыстар барысында пайдаланылатын кәсіби жауапкершілікті сақтандыру үлгілерін жүзеге асыруға қажетті шарттар жөніндегі ұсыныстарын ортаға салды.

 

 

 

 

Қазақстанда алғаш рет фармкомпаниялар арасында жарыссөз өтті

Бүгін, клиникалық фармакология және фармация жөніндегі «Дәрілік заттарды ұтымды пайдалану»  атты халықаралық конференция аясында Қазақстанда алғаш рет, «GlaxoSmithKline» және «Pfizer» бәсекелес фармацевтикалық компаниялардың сарапшылары арасында «Қазақстандағы екпелік алдын алу бағдарламалары үшін пневмококк екпелерін ұтымды таңдау» тақырыбында жарыссөз (дебат) болды.  Жарыссөздер синхронды аудармамен ағылшын тілінде өтті.  «GlaxoSmithKline» компаниясы атынан  - GlaxoSmithKline ғылыми коммуникация бөлімшесінің басшысы, MD, PhD Otavio Sintra (Ұлыбритания), «Pfizer» компаниясы тарапынан - MD, PhD, пневмококк екпелері бойынша медициналық директоры Christian Theilacker (Германия) сөз алды. Бұл барлық қатысушылар үшін екпелерді ұтымды пайдалану туралы кәсіби диалогтан алған қызықты тәжірибе болды. Жарыссөз (дебат) модераторы – Денсаулық сақтауды дамыту республикалық орталығының бас директоры Айнұр Айыпханова. 

Жарыссөзге ҚР Денсаулық сақтау вице-министрі  Ләзат Ақтаева, СDC (Аурудын алдын алу және бақылау орталықтары) аймақтық офисінің директоры D.Moffett, Королевский фармацевтика қоғамының директоры Karen Baxter,  ҚР тұрғындарын иммундау жөніндегі консультативтік комиссия мүшелері, сондай-ақ инфекциялық аурулар, екпелік алдын алу және клиникалық фармакология мәселелері бойынша Қазақстан мен шетелдің жетекші сарапшылары қатысты.

ДДҰ Еуропа комитетінің сессиясында қоғамдық денсаулық сақтау саласындағы іс-әрекеттер жоспарларын жүзеге асырудың аралық нәтижелері қорытындылануда

Кеше Будапештте ДДҰ Еуропа аймақтық комитетінің 67 сессиясы өз жұмысын бастады, ол қоғамдық денсаулық сақтау және қоршаған орта саласындағы ілгерілеу, сондай-ақ ДДҰ Еуропа аймағындағы мүше-мемлекеттер арасындағы өзара әрекеттестікті дамыту мәселелеріне арналған.

Шараға 600-ден аса қатысушылар – Еуропа одағының, Орталық және Шығыс Еуропаның, Кавказдың және Орталық Азияның 53 елінен келген денсаулық сақтау министрлері мен денсаулық сақтау саласының жоғары шенді өкілдері қатысты.

Сессия жұмысын оның Жоғары мәртебелі Корольдігінің кронханшайымы Мэри Датская, Венгрия Премьер-Министрі Виктор Орбан және ДДҰ бас директоры Тедрос Гебрейсус ашты.

Қатысушылардың қазақстандық делегациясы құрамында денсаулық сақтау вице-министрі Алексей Цой, Денсаулық сақтауды дамыту республикалық орталығының бас директоры Айнұр Айыпханова, Стратегиялық даму және қоғамдық денсаулық сақтау департаментінің директоры Айжан Есмағамбетова, Халықаралық ынтымақтастық және интеграция департаментінің директоры Гүлнар Мұханова, Қоғамдық денсаулық сақтау комитеті төрағасының орынбасары Берік Шәріп, ДДҰ Атқару комитетінің мүшесі Мақсұт Құлжанов, Денсаулық сақтау министрінің кеңесшісі Нұрлан Алғашов бар.

CDC өкілдерімен кездесу

Бүгін Денсаулық сақтауды дамыту республикалық орталығында ДСДРО бас директоры Айнұр Айыпханова Орталық Азиядағы  СDC аймақтық офисінің директоры Дафни Моффитпен кездесті.

Кездесу барысында СDC аймақтық офисінің қызметі мен ҚР ДСМ-мен бірлескен ағымдағы жобалар талқыланды. Соның ішінде, қоғамдық денсаулық сақтау қызметін дамыту бағытындағы ынтымақтастық мәселелері,  эпидемиологиялық статистика орталығын құру кезіндегі ынтымақтастықтың ықтимал бағыттары қарастырылды. Сондай-ақ, лабораториялық қызметті және туберкулездің алдын алу шараларын дамыту саласында нұсқаулықтар мен талдамалық ақпараттар әзірлеудегі серіктестік мәселелері қозғалды.

Ескерту: Centers for Disease Control and Prevention, CDC (Аурудын алдын алу және бақылау орталықтары) – аурудың алдын алу және олармен күрес жөніндегі шараларды, қоршаған орта тазалығы мен басқа да халық денсаулығын жақсартуға бағытталған шараларды әзірлеп, жүзеге асыру қызметтерін атқаратын  АҚШ Денсаулық сақтау департаментінің федералдық агенттігі.