БҰҰ Бас Ассамблеясының аясында, Қазақстан мен АҚШ денсаулық сақтау министрліктері бірігіп, МСАК тақырыбында қосымша шара өткізді

БҰҰ Бас Ассамблеясының аясында, 23 қыркүйек күні Қазақстан мен АҚШ денсаулық сақтау министрліктері бірігіп, медициналық-санитарлық алғашқы көмек (МСАК) тақырыбында қосымша шара өткізді.

 

Шараға қатысқандар арасында:
- Дүниежүзілік денсаулық сақтау ұйымының, БҰҰ Балалар Қорының, Халықаралық телекоммуникация одағының бірінші басшылары;
- Қазақстан, АҚШ, Бразилия, Гана, Нидерландтар, Сингапур елдерінің Денсаулық сақтау Министрлері және Греция Вице-министрі;
- Дүниежүзілік Банк, Дүниежүзінің отбасы дәрігерлерінің ассоциациясы және МСАК жас лидерлері ұйымдарының басшылары болды.

ДСДРО Р4Н желісі үйлестіру тобының кездесуіне қатысты

9-13 қыркүйек аралығында ДСДРО Германия, Бонн қаласындағы Р4Н желісі үйлестіру тобының кездесуіне қатысты.

 

Талқылаулар мен келіссөздерге қатысу барысында Р4Н желісі мен үйлестіру тобының қатысушылары стратегиялық жоспар мен жұмыс бағдарламасын талқылауды, денсаулық сақтауды қаржыландыруға жеке секторды тартуды, саяси экономика құралын әзірлеуді, цифрлық платформаны тиімді пайдалануды жүргізді, сондай-ақ Германияның Экономикалық ынтымақтастық және даму федералдық министрлігінің өкілдерімен кездесті (Bundesministerium für wirtschaftliche Zusammenarbeit und Entwicklung, BMZ).

Нұр-Сұлтан қаласында медициналық көмектің сапасын тәуелсіз сараптау жүйесін жетілдіру мәселесі бойынша селекторлық кеңес өтті

20 қыркүйекте Нұр-Сұлтан қаласында СҚ-Фармация кеңсесінде ҚР ДСМ Тауарлар мен көрсетілетін қызметтердің сапасы мен қауіпсіздігін бақылау комитетінің, олардың аумақтық бөлімшелерінің, «Әлеуметтік медициналық сақтандыру қоры» КЕАҚ, ДСДРО, кәсіби қауымдастықтар өкілдерінің, ЗТБ және тәуелсіз сарапшылардың қатысуымен медициналық көмектің сапасын тәуелсіз сараптау жүйесін жетілдіру мәселесі бойынша селекторлық кеңес өтті.

 

Кеңес қорытындысы бойынша тәуелсіз сараптама жүйесін реттеудегі заңнамалық олқылықтарды жою, сапасын жақсарту және олардың қызметін стандарттау бойынша ұсыныстар әзірленді.

ДСДРО ұйымы қазақ тілін дамытуға бағытталған «Абай оқулары» сайысын өткізді

Бүгін ДСДРО ұйымы қазақ тілін дамытуға бағытталған «Абай оқулары» сайысын өткізді. Бұл іс-шара - ұлағатты ойшы, ақын және жазушы Абай Құнанбаевтың 175 жылдығына арналды.

 

Әрбір бөлімнің белсенді қызметкерлері мемлекеттік тілде Абайдың қара сөздерін жатқа айтып, өлеңдерін баяндап, әндерін айтып берді.

ДСДРО өкпенің созылмалы обструктивтік ауруларын АББ-ға пилоттық енгізу бойынша әдістемелік ұсынымдар әзірледі

ДСДРО медицина қауымдастығына әдістемелік қолдау көрсету мақсатында пульмонология саласындағы жетекші ұлттық сарапшы К. А. Гаркаловтың қатысуымен бірлесіп, МСАК-тың үздік практика орталығында «Өкпенің созылмалы обструктивтік ауруы» (СОӨА) нозологиясын Ауруларды басқару бағдарламасына пилоттық енгізу бойынша әдістемелік ұсынымдар әзірледі.

 

Әдістемелік ұсынымдарда СОӨА басқару бағдарламаларын табысты енгізу және ауруларды диагностикалау мен емдеу мәселелеріне тереңдемей, оның тиімділігіне қол жеткізу үшін қажетті іс-шараларды жүргізудің ұйымдастырушылық мәселелері ұсынылған. Сондай-ақ, АББ негізгі элементтері, оны енгізу кезеңдері, АББ моделін ұйымдастыру жағдайлары, СОӨА басқару шарттары көрсетілген, енгізуді бағалау индикаторлары әзірленді, пациенттерді өзіндік менеджментке және бақылау құралдарына оқыту әдістемесі баяндалған.