Қазақстанда дәрілік заттардың ұтымды пайдаланылуын бағалау енгізілуде

Казақстан Республикасы денсаулық сақтау министрінің 2019 жылғы 6 мамырдағы № ҚР ДСМ-67 бұйрығымен Дәрілік заттардың ұтымды пайдалануына бағалау жүргізу қағидалары бекітілді. Нормативтік құқықтық акт 2018 жылғы желтоқсанда қабылданған «Қазақстан Республикасының кейбір заңнамалық актілеріне дәрілік заттар мен медициналық бұйымдар айналысы мәселелері бойынша өзгерістер мен толықтырулар енгізу туралы» Қазақстан Республикасының № 211 - VI ҚРЗ Заңын іске асыру шеңберінде әзірленді.

 

Бұйрық денсаулық сақтау ұйымдарының дәрілік заттарды ұтымды пайдалануға ішкі бағалау жүргізу тәртібін және денсаулық сақтау ұйымдарында дәрілік заттардың ұтымды пайдаланылуына сыртқы бағалау жүргізу тәртібін регламенттейді, сонымен қатар бақылау функцияларды енгізбейді.

Дәрілік заттар мен медициналық бұйымдарды этикалық тұрғыдан ілгерілету қағидаларын бекіту туралы бұйрығы қабылданды

2019 жылдың 8 мамырында «Дәрілік заттар мен медициналық бұйымдарды этикалық тұрғыдан ілгерілету қағидаларын бекіту туралы» бұйрығы «Қазақстан Республикасының кейбір заңнамалық актілеріне дәрілік заттар мен медициналық бұйымдардың айналысы мәселелері бойынша өзгерістер мен толықтырулар енгізу туралы» 28.12.2018 жылғы Қазақстан Республикасының Заңын орындау аясында қабылданды.

 

Этикалық ілгерілеудің негізгі шарттарының бірі дәрілік заттар мен медициналық бұйымдар туралы толық, нақты, шынайы және ғылыми расталған ақпаратты ұсыну және пайдалану болады.

ҚҰФ-ды әзірлеу және бекіту қағидаларын бекіту туралы бұйрығына өзгерістер енгізілді

2019 жылдың 8 мамырында «Қазақстандық ұлттық дәрілік формулярды әзірлеу және бекіту қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 22 мамырдағы № 369 бұйрығына өзгерістер енгізу туралы бұйрығы «Қазақстан Республикасының кейбір заңнамалық актілеріне дәрілік заттар мен медициналық бұйымдардың айналысы мәселелері бойынша өзгерістер мен толықтырулар енгізу туралы» 28.12.2018 жылғы Қазақстан Республикасының Заңын орындау аясында қабылданды.

 

Аталған бұйрық Қазақстандық ұлттық дәрілік формулярды, белгілі бір аурулары (жай-күйлері) бар азаматтардың жекелеген санаттарын тегін және (немесе) жеңілдікпен амбулаториялық қамтамасыз етуге арналған дәрілік заттар мен медициналық бұйымдардың тізбесін қалыптастыру, сондай-ақ денсаулық сақтау ұйымдарының дәрілік формулярларын әзірлеу тәртібін айқындайды.

Дүниежүзілік артериялық гипертензиямен күрес күні

17 мамыр күні бүкіл әлем Дүниежүзілік артериялық гипертензиямен (АГ) күрес күнін атап өтеді.

Қазақстанда ересек тұрғындардың 5,5% артериялық қысымның жоғарылауына бейім. Және бұл пациенттердің өтініші тіркелген жағдайлар ғана!

Жыл сайын әлемде 9,4 млн өлім-жітім жағдайы гипертонияның асқынуынан туындайды, олардың басым бөлігі – инсульттар мен жүрек аурулары.  

  Қазақстан Республикасы Денсаулық сақтау министрлігі жоспарлы түрде АГ асқыну қаупін төмендету бойынша алдын алу бағдарламаларын енгізуге бағытталған іс-шаралар кешенін жүргізуде.

ДСДРО-да салалық біліктілік шеңберін және үздіксіз кәсіби дамыту жүйесін жетілдіру тәсілдері талқыланды

16 мамырда ДСДРО-да «Медицина қызметкерлерінің салалық біліктілік шеңберін (СБШ) және үздіксіз кәсіби даму жүйесін (ҮКДЖ) жетілдіру» тақырыбында «Атамекен» ҰКП, кәсіподақ ұйымдары мен денсаулық сақтау саласындағы кәсіби қауымдастықтар өкілдерінің қатысуымен дөңгелек үстел өтті.

 

Іс-шара жұмысына Skillscenter «Дағдылар мен құзыреттілік орталығы» одағының директоры, БҰҰ-ның Ресейдегі білім беруді дамыту жобасында сарапшысы, халықты жұмыспен қамту және құзыреттілік мәселелері бойынша Дүниежүзілік Банк жобасында сарапшы Павел Черных қатысты.