ДСДРО 2020 жылы МТБ өткізуге өтінімдер ашық түрде қабылданатындығын хабарлайды

«Денсаулық сақтауды дамыту республикалық орталығы» ШЖҚ РМК денсаулық сақтау жүйесін реформалауды қолдау шеңберінде медициналық технологияны бағалауды (бұдан әріө МТБ) енгізу және клиникалық тәжірибе сапасын арттыруды жүзеге асыру мақсатында 2020 жылға арналған МТБ бойынша өтінімдерді қабылдаудың ашық екенін хабарлайды.

 

         Өтінімдер «Денсаулық сақтау технологияларын бағалау қағидаларын бекіту туралы» Қазақстан Республикасы Денсаулық сақтау министрінің міндетін атқарушы 2019 жылғы 22 мамырдағы № ҚР ДСМ-85 бұйрығының 2-қосымшасына сәйкес толтыруы қажет.

Медициналық ұйымдарды аккредиттеу функциясы тәуелсіз ортаға өтеді

2019 жылғы 15 қарашада Байқау кеңесінің шешімі бойынша Денсаулық сақтауды дамыту республикалық орталығының құрылымында ұлттық аккредиттеу стандарттарына сәйкестігіне сыртқы кешенді бағалау жүргізу жөніндегі ұлттық орган болып табылатын Аккредиттеу орталығы таратылады.

 

Енді бұл функцияны «Денсаулық сақтау саласындағы сыртқы кешенді бағалау жөніндегі сарапшылар мен консультанттар» қоғамдық бірлестігі (бұдан әрі – Аккредиттеу орталығы) орындайтын болады.

ДСДРО Қызылорда облысының денсаулық сақтау саласы қызметкерлерінің бақылау кеңестері хатшыларын корпоративтік басқарудың ерекшеліктеріне оқытты

2019 жылғы 12-13 қарашада ДСДРО Менеджмент орталығының қызметкерлері Қызылордада «Денсаулық сақтау жүйесіндегі корпоративтік басқару» тақырыбында байқау кеңестері хатшыларының жұмысына оқыту бойынша семинар-тренинг өткізді

 

Денсаулық сақтау басқармасының өкілдері, басшылар мен кадр қызметінің қызметкерлері, Қызылорда облысының 10 медициналық ұйымының заңгерлері мен Байқау кеңестерінің хатшылары оқытылды.

ДСДРО 43-ші Ауруханалардың халықаралық конгресіне қатысты

2019 жылғы 6-9 қараша аралығында Оман Сұлтандығында 43-ші Ауруханалар халықаралық конгресі өтті.

 

 Іс-шараға әлемнің 60 елінен келген 630-дан астам өкіл қатысты. Іс-шараға Қазақстаннан ДСДРО қызметкері қатысты.

 

Ауруханалардың халықаралық конгресі - бұл Халықаралық ауруханалар федерациясының (IHF) маңызды оқиғаларының бірі, ол денсаулық сақтау саласындағы ұлттық және халықаралық басқару саясатының негізгі факторларын талқылау үшін ұлттық және халықаралық ауруханалық ұйымдар мен қауымдастықтардың көшбасшыларын біріктіретін бірегей жаһандық форум болып табылады.

Денсаулық сақтау министрлігі МСАК қызметкерлері үшін ынталандырушы төлемдердің шекті мәнін бекітті

ҚР Денсаулық сақтау министрлігі медициналық-санитариялық алғашқы көмек учаскелерінде кешенді жан басына шаққандағы нормативтің ынталандырушы компонентінің төлемдерін бөлу тетігіне өзгерістер енгізді – алғашқы буын қызметкерлері үшін төлемнің ең төменгі және ең жоғарғы шекті мәндері белгіленді.

 

6 қарашада Денсаулық сақтау министрі «Тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру жүйесінде медициналық қызметтер көрсететін денсаулық сақтау субъектілерінің қызметкерлерін көтермелеу қағидаларын бекіту туралы» Қазақстан Республикасы Денсаулық сақтау және әлеуметтік даму министрінің 2015 жылғы 29 мамырдағы №429 бұйрығына өзгерістер енгізетін «Кейбір нормативтік-құқықтық актілерге өзгерістер мен толықтырулар енгізу туралы» бұйрыққа қол қойды.